On kotiseutu mulla tuolla

Peräpohjolassa, tarkemmin sanottuna Aavaksaksalla. Sieltä molen poissa.
Sen kauneuen tajuaa vasta sitten, ko on asunut pitkään muuala.

Muutin 16-vuotihaana opiskelehmaan Tornihoon ja sen jälkheen elämä on kuljettanu etehlään, Uuelemaale. Tääläki olhaan asuttu kohta kakskymmentä vuotta. Aavasaksala pääsee käyhmään vain pari kertaa vuessa, kesälä ja talvela. Vaaran päälä tullee talvela käytyä harvemmin, mutta kesälä sielä häätyy käyä monta kertaa.

Nuorempana käythiin laskettelemassa alvahriinsa, ko meilä oli kausiliput laskettelurintheile. Monesti tehtiin niin, että joku kävi meät heittämässä laskettelehmaan ja ko halusimma lähteä kotia, niin noustiin hissilä viimisen kerran ylös ja tyyräthiin lasketella kaverin kans moottorikelkan jälkeä pitkin kotia saakka. Vähän matkaa joutu hiihtähmään ja työntehleen sauvoila, mutta sollu homma eikä mikhään.

Kävimä viime heinäkuussa äitin kans Aavasaksanvaaran päälä kuvvaamassa. Kello oli jo yli kymmenen illala ja aurinko oli vielä komeasti näkösällä. Pilvet oli matalalla ja loi vähän utusen tunnelman. Nyt jouluna käythiin taasen kuvvaamassa yhen aikhaan, ja silloin alko jo hämärthään.

Tehin filminpätkistä tämmösen videon:



Son jännä juttu tuo murre, ko sitä alkaa puhuhmaan aivan automaattisesti kotona ja pohjosessa, mutta täälä etelässä h ei tulekhaan ennää joka paikhaan, vaikka sitä ei ole tieten tahtoen muuttanu mihinkhään. Voisko sen sanoa niin, että seura tekkee kalthaisekseen.

Kyllä mie alussa muistan, ko lähin täälä etelässä töihin, niin tuli välilä pitkiä hiljasuuksia, ko ihmiset ei ymmärtänheet mitä mie praatasin eikä net kehahneet kysyäkhään, että mitä mie meinaan.
Pellolaiset ja kolarilaiset saattava laittaa h:n vähän eri paikhaan, ko met ylitorniolaiset. Ja met venytämmä sanoja enemmän, ko vähän pohjosempana. Sen kyllä kuulee puhheesta onko Ylitorniolta vai Pellosta.

Esimerkiksi tuossa yllä käyttämäni sana "ymmärtänheet" voihaan sanoa myös "ymmärtähneet" ja molemmat on oikein. Pellolaiset saattava jättää sanan lopusta vielä yhen e-kirjaimen pois.

Jos jaksoit lukea tänne saakka, niin kerroppa kommentteihin oliko hankala lukea tämmöstä murretekstiä? Kirjottaminen ainaki oli hankalaa ja arvakkaapa vain kuinka monta punasta viivaa tässä tekstissä on sanojen alla, ko tietokone yrittää ilmottaa, että väärin olet kirjottanu 😁